गजल - बज्र कुमार राई

साडेसातको दशा ठान्थ्यौ टरेपछि आउनु
अन्तिमसम्म माया गरें मरेपछि आउनु

गदगद हुँदै म जलेको धुँवा सुँघ्छौ भने
आर्यघाटमा मेरो चिता बलेपछि आउनु

बाचाएर मेरो माया ह्रिदयमा राख्छौ भने
यो शरीरको धुलो खरानी झरेपछि आउनु

बंगलामा बसे पनि निंदाउने ठाउँ नपाएर
स्वर्गबासमा मैले डेरा सरेपछि आउनु

जाने बेलासम्म पनि तिमीलाई खोजिरहें
यो खबरले तिम्रो आत्म भरेपछि आउनु