-बज्र कुमार राई

काँडैकाँडा बीचमा एउटा मन परेको फूल थियो॥
टिप्न जाँदा घाउ लाग्यो मेरो के नै भूल थियो॥

सम्झनाले मार्नु मार्थ्यो त्यो फूल नदेख्दा’नि,
यो मुटुलाई सधैं घोच्ने फूलको नजर शूल थियो॥

चाहनाले पाइला सार्दै फूलको नजिक पुगि हेर्दा,
त्यो फूलको मिठास चुस्ने भमराको हुल थियो॥

कहिले काहींको वार्तालापमै फूलसँग मुटु साटिएछ,
तर त्यो फूल नस्वीकार्ने घरमा कडा कूल थियो॥

अन्तर्मनको सम्पर्कमा अचेल अत्तोपत्तो छैन हजुर,
जुनि/जुनि साथै रहने त्यो फूलसँग कबुल थियो॥