गजल-बज्र कुमार राई

यतिबेला प्रेमको त्यो मात सम्झदै छु
प्रथम भेटको त्यो रात सम्झदै छु

आज फेरी मन त्यसै रोमन्चित हुँदा
अत्रिप्त नशालु त्यो हात सम्झदै छु

त्यो मीठो पलसँग यथार्थमा एक्लो म
असीमित खुशीको त्यो खात सम्झदै छु

यो जिन्दगी सिर्फ तिम्रो भन्दै छाड्नेसँग
नसोचेको त्यो विश्वाशघात सम्झदै छु

म मात्तिएको त्यो रातमा साथ दिनेसँग
मान्छेको त्यो स्वार्थी जात सम्झदै छु