गजल-बज्र कुमार राई

मन्त्रीज्यु! फाइव स्टार भोजमा हुनुहुन्छ
दिउँसै उहाँ त नाइट कोचमा हुनुहुन्छ

द्दिगमिगाउदो बास्नासँगै उडिरहेका धुँवाभित्र
हेर्दा देखिंदैन उहाँ निक्कै खोंचमा हुनुहुन्छ

अलिअलि उन्मातसँगै खुल्दै गए बस्त्रहरु
भन्न मिल्दैन उहाँ नग्न पोजमा हुनुहुन्छ

ठूलाठालुको यी दिनचर्या सकियो भन्ठानेको
हेर्नुस् उहाँ फेरी अर्कीको सोचमा हुनुहुन्छ

पजेरो,बिएमडब्यु.मा सुरा-सुन्दरी हाजिर
वा क्या भाग्य उहाँ सधैं मोजमा हुनुहुन्छ