गजल-बज्र कुमार राई

यो मुटुलाई मायाको तीर हानेर नछोड
त्यो मनमनै मेरो तस्वीर छानेर नछोड

मेरो साँचो भावनाको पूजा गर्ने तिमी
यथार्थमा मनको भगवान मानेर नछोड

यो जुनिमा नपाएर पुनर्जन्म भएपनि
तिमीबिना बाँच्दिन भन्ने जानेर नछोड

अर्न्तमनको समपर्णले यात्रा सुरु गर्दा
जीवनको रथ दोबाटोमा तानेर नछोड

तिमीभित्रै बाँच्न खोज्छु पलपल मरेपनि
त्यो धड्कनमा मेरो प्राण धानेर नछोड