गजल - "गरीबी र भोकमरीको हित बनोस् नयाँ बर्ष" - बज्र कुमार राई

गरीबी र भोकमरीको हित बनोस् नयाँ बर्ष
नेपाल र नेपालीको जीत बनोस् नयाँ बर्ष

यो धर्ती यो आकाशले सुनौलो आयाम खोज्दा
मुर्झाएको आस्थामाथि शीत बनोस् नयाँ बर्ष

विसंगति , कुरीतिले असमानता बड्दै जाँदा
अग्रगामी आवाजको गीत बनोस् नयाँ बर्ष

इर्ष्या ,द्धेष, कलहले भाइचारा मर्दै जाँदा
भावानाको नाताभित्र मीत बनोस् नयाँ बर्ष


परस्परको अहीतले विश्वासमा संकट आउँदा
सुमधुर सम्बन्धको प्रित बनोस् नयाँ बर्ष