कविता - "कलकलाउदो यो जिन्दगी" - बज्र कुमार राई

कलकलाउँदो यो जिन्दगी मासिदै छु लौन
तिम्रो यादको सिमसारमा भासिदै छु लौन

जिन्दगीमा पहिरो गयो भत्के सपनाहरु
फेरी अर्को खेत बिराउन तासिदै छु लौन

एक्लो मन विभोर भयो तिम्रो आगमनले
चुम्बक रहेछौ फलामसरी टाँसिदै छु लौन

तिम्रो साथ प्यारो लाग्छ दु:खसुख बाँड्न
अन्तर मनमा बाट्टिएर गाँसिदै छु लौन

घरीघरी मर्ने गर्छु मेरो इच्छा नसोधिंदा
आफ्नो नामको रगतबाट नासिदै छु लौन