तिम्रो यादलाई थुनि राख्ने जेल छैन सानु!
अझै किन दुई आत्मको मेल छैन सानु!
स्वतन्त्र तिम्रो माया छातीभित्र उडी हिड्छ
बाँधि राखुँ त त्यस्तो कुनै नेल छैन सानु!
उडी आउँ त कता हो कता अल्मलिन्छु आफैं
मनको लिकमा तिमी भेट्ने रेल छैन सानु!
जिन्दगीको पानाभित्र छापेको छु धोकै धोका
आजसम्म साँचो प्रेमको चलखेल छैन सानु!
टाढा सही अँध्यारोमा जुनेली जुन नै थियौ
पहिले जस्तो तिम्रो छाँया अचेल छैन सानु!
Subscribe to:
Post Comments (Atom)
No comments:
Post a Comment