गीत - बज्र कुमार राई

मेरो फोटोले माला लगाउँदा एक्लो नहुनु तिमी
बितेका ति पलहरु सम्झेर कहिल्यै नरुनु तिमी

भित्रभित्रै रोए पनि बाहिर भने हाँस्नु तिमी
नचाहेरै साथ छाडें अरु धेरै बाँच्नु तिमी

यो दिन हो उज्यालै छ मलाई अध्यारोमा नखोज्नु तिमी
बलेको बेला मुटुबीचमा आगो यादहरुले नझोस्नु तिमी

बिधाताको मन्जुरी यो भाग्य कमजोर नठान्नु तिमी
उडिरहेको यो आत्म मेरो आफूतिर नतान्नु तिमी