गजल - "तिम्रो दिलको बगैंचामा" - बज्र कुमार राई

तिम्रो दिलको बगैंचामा रातो गुलाब फूलेको छु
भविष्य त थाहा छैन बर्तमानमा भूलेको छु

कति क्षितिज छिचोलेर तिमीलाई खोजी हिड्दा
एक्लो हारको निराश संसार मैले डुलेको छु

सधैं त्यस्तै अध्यारो थिएँ कालो बादल मडारिंदा
धुम्म थियो मनको आकाश आज बल्ल खुलेको छु

एउटा उराठ बाँझो थिएँ कुनै सपना नरोपीदा
तिमीलाई पाएँ आज हेर लहलह झुलेको छु

प्याला भर्दै जति पिउँछौ म त तिम्रो मिठो नशा
सक्छौ भने छुट्याउ अब बरफसरी घुलेको छु