गजल - "मैले सिकेको छु" - बज्र कुमार राई

कोही बिना मर्दै बाँच्न मैले सिकेको छु
कति काँडा मुटुबाट मैले झिकेको छु

यो दुनियाँ महँगो भो खुशी किन्नु पर्दा
कुहिएको सस्तो भाउमा म नै बिकेको छु

सपनाको हत्या भयो अन्तर्घाति आफ्नो हुँदा
भास्सिएको तिखो छुरा मैले झिकेको छु

मलामिको तांति छैन आफु एक्लै मर्दा
आगोमाथि चुपचाप जल्न मैले सिकेको छु

कर्म सधैं हारिरह्यो आफ्नो मन साटी हिड्दा
बदनामीको कालो दागमा म नै बिकेको छु